Vooruitsig vir 2007

Hi Almal!

Die Tiara het ´n splinternuwe redaksie!
Hulle is Lanie Schutte en Corne Nel.
Behalwe dat die twee uiters bekwaam is vir hul nuwe posisie is hulle ook vuur en vlam om die Tiara aan die gang te hou en te verbeter.
Die blog sal ook die jaar meer gereeld opdateer word!
Welkom solank aan al die nuwe eerstejaars!
Al die ou Kasteel inwoners (die wat nog in die koshuis is en reeds weg is), hoop om julle gereeld op die blog te sien. Stuur e-posse of los ´n comment sodat ons weet van jou!

Groete
Tiara redaksie!

pers ink vloei deur ons are!

Mnr Kasteel....Spongebob!

Inge Stolz

Volgens die dames in die koshuis, maak 'n sekere geel, sponsagtige figuur, hul knieë behoorlik lam. Vir die wat nog nie die kloutjie by die oor kon kry nie, ek praat van niemand anders as Spongebob Squarepants nie, die cartoonmannetjie as iemand nog wonder. 'n Skokkende 6.59% dink hy aantrekliker as ons SR Voorsitter, De Wet Coetsee! Van die dames wou nie hul mening gee nie, uit vrees dat hul identiteit bekend gemaak sou word. Nadat hul verseker is dat die inligting volkome vertroulik is, het hulle maar baie saggies gefluister. Moet net nie dat iemand hoor nie…Ons sleep se HK-lid, Gerrie de Haas het aan die korste ent getrek. Jammer Gerrie, maar met Spongebob in die kompetisie, sal selfs Brad Pitt tweede kom! Daar het darem so 'n paartjies vir Gerrie gestem, 0.95% van die inwoners meen hy doen dit vir hulle.Ander mans wat vom die titel meegeding het is ons SR Voog, Lourens Venter, en van De Wilgers se HK Willie Killian en Jurie Schoeman. 'n Hele aantal inwoners wou weet waarom Ryno Steyn (De Wilgers Prim) nie deel was van die keuses nie, en 'n enkele siel het versoek dat Jurie Els ook 'n ou plekkie kry. Kort op die hakke van De Wet is Jurie Schoeman, met slegs 3.78% minder stemme. Lourens neem sy posisie mooi in die middel in met 11.32% stemme. As dit hier oor die oulikste of vriendelikste man was, het meeste gesê dat Willie hul eerste keuse sou wees.Wel, dit is nou alles goed en wel dat Spongebob die sexyste is, maar hy is binne niemand se bereik nie. Ek dink dit is veilig om te sê dat die julle nie tè verlief op hom moet raak nie, want daar sal ongelukkig niks daarvan kan kom nie. So dan moet julle maar ogies maak vir De Wet of Jurie (dis nou Schoeman).

Mid-mar myl na die draaihek

Michelle Heard

Die afgelope jaar in Kasteel was dit vir my opvallend hoe baie water die PUK op ons grasperke mors. Weens die afwesigheid van my gelukbringer kat (wat by die huis besig is om Hoep-Hoep voëltjies te terroriseer), het ek altyd bespiegel dat dit die oorsaak is vir my unlucky-geit om elke keer te wil draaihek toe wandel as die sproeiers aan die natmaak is. Na ek ondersoek ingestel het, en deur my vaal blinders vanuit my gatkamer gespioeneer het, het ek (as my pythagoras formule nog nie onlangs verkeerd bewys is nie) met semi-akkurate berekenings vasgestel dat die sproeiers wel 75% van die dag besig is om ‘n Afrika Amazone voor Blok J te stig, en dat ek weet nie hoeveel kilo-biljoene gallonne water op die paadjies uitgespuit word nie. Gelukkig kan ons met trots sê dat Kasteel die vrugbaarste fotosinterende plaveisel paadjies in die Noord-Westelike provinsie het!

NOEM DIT MAAR ‘NO NAME’

Roscherr Maritz

Uit pure verveeldheid het ek die afgelope vakansie my Cast-away DVD uitgehaal, wat ek vyf jaar gelede oor leserskring bestel het, en dit vir die hoeveelste keer gekyk. Na twee ure van Tom Hanks wat met sy beste vriend Wilson, ‘n sokkerbal, sinvolle en diepe gesprekke voer, het ek besluit…dis wat ek wil hê!

En so, vasberade gaan ek uit om ‘n naam en persoonlikheid aan iets plastieks en “made in china” te gee. Ek probeer toe my haardroër, waaier, straightner en die gebedskamer se besem…maar niks…hulle spreek net nie tot my nie! Vasberade verlaat ek toe maar my kamer in die gat om inspirasie elders te gaan vind, maar loop myself vinnig vas teen die sexyste stuk 1.5 m karton op kampus, genaamd Johnny the Rapist. Ek stap verby Mr. Die lamppaal, sien Mavis deur die draaihek gaan en skrik toe iemand uit blok J vertel hoe sy die vloer met Dawid gaan vee. Ek dink toe, die arme man, en stap verder tot by my fiets, wat ek in ‘n oomblik van kreatiwiteit heel oorspronklik “fiets”gedoop het. Nogsteeds op my missie vat ek die pad, en ry in die parkeerterrein verby een van my kinderhelde, Lassy, gewaar Blertsie met sy CG nommerplaat en sien hoe Aanloop ‘n groepie dore na hul gunsteling uithangplek, die Friendly Grocer toe aanry.

Dit is toe net daar dat ek besef dat ek nie die enigste een was met die blink idée nie…maar wel die enigste een wat oor die onvermoë beskik om die idée uit te voer. Skielik voel ek soos ‘n Cast-away in ‘n koshuis vol Wilsons…en maak myself toe maar reg vir die verveelde lewe waar stoffer, Stoffer is en my ketel Tannie ketel sal moet bly.

Puk-dagboek

Elani Willemse

Hier is voorlopig ‘n paar Kultuur-gebeurtenisse op kampus vir die volgende maand of so:

1-6 Mei Filmfees Oudiorium
12 Mei Kampustalentfees Gala Aand Ouditorium
20 Mei Puk-Koor se Musica Koorfees Miederpark NG-Kerk
30 Mei Beurswennerskonsert Konserwatorium
31 Mei Klopjag Ouditorium
2 Junie Groet die Grotman Ouditorium
4 Junie Shostakovich Klavierpreludes Konserwatorium

Kasteel se nagtegale swot sing-sing....

Elani Willemse

Vir die eerstejaars wat in die aande deur die voorportaal stap en wonder waar die sang-stemme vandaan kom... Hier is 'n leidraad: Dit is nie die stemme in jou kop nie!

Ja dames, Kasteel is weer hard aan die oefen vir die grootste hoogtepunt op die PUK se Kultuur kalender. En al wat ek mag verklap oor hierdie jaar se sêr-repertoire is dat die songs KOOK!! En dit kan selfs ook vir 'n rukkie na die tyd by jou kom spook!

Almal is vreeslik opgewonde oor hierdie jaar se sêr, en is vasbeslote om die negatiewe kritiek van laas jaar, waar gesê is dat Kasteel te sag was, op 'n positiewe wyse toe te pas. En met iemand soos Lady Nadri wat hierdie jaar weer leiding neem, kan dit net goed gaan!

Queen Madeleine, ons Kultuur HK-lid, borrel behoorlik oor van opgewondenheid, en sy glo vas: Hierdie is Kasteel se jaar!!! (En ek wil nogals saamstem!)

Watch this space....

KASKENADES in 'n ander land

Therese Mitchell
Vir die van julle wat mag wonder, ‘n paar van ons was die April vakansie saam met De Wilgers op ‘n Mosambiekuitreik.

Ons het omstreeks 10:30nm die 1ste April vanaf De Wilgers vertrek. Ons was 20 studente, dertien was mans en sewe van die skoner geslag. Vervoer het uit ‘n kombie en twee bakkies bestaan. Die eerste uur of so was almal gesellig, maar daarna het klaasvakie se sandjies koning gekraai. Ons het verskeie kere gestop…dit was die eerste keer in ‘n lang tyd dat ek vieruur die oggend ‘n koppie koffie gedrink het. Ons het die volgende oggend by die Buikbrug grenspos aangekom. Ons was seker vir min of meer drie ure daar gewees, want niemand kon vir ons aanvanklik inlig oor in watter lyn ons moes staan nie. Uiteindelik in ‘n lyn het die stress ons getakel, want in een van die sleepwaens was ‘n deepfreeze vol vleis en in ‘n ander een slaapsakke gevul met lekker beestjoppies en worsies. Vir die van julle wat nie geweet het nie, dis onwettig om vleis oor die grens te vat. Ons het toe begin bid dat hulle ons nie moet deursoek nie, want as hulle die vleis kry, sal ons vir twee weke soos vegetarieërs moet leef! Gelukkig vra hulle toe net ons paspoorte en laat ons deurgaan. Wat ‘n wonderwerk! Die aand ariveer ons by Zimabwe se grenspos en het so 30 minute daar deurebring waarna ons die laaste stukkie na Mafora afgelê het. Dit was reeds donker toe ons by die eindbestemming ariveer en almal het net een doel voor oë gehad, dit was om so gou moontlik uit te pak en hul opblaas matrasse vol lug te kry.

Soggens ses uur het ons bybelstudie gehou en sewe uur was dit tyd vir oggendete. Ons was miskien in die vreemde, maar ons kos het nooit afgesteek nie. Ontbyt het bestaan uit plaatkoekiess, eiers, spek, mielepap of oatspap en pouws (‘n mosambiekbroodjie). Die manne het in die twee weke ‘n huis gebou (in stortende reën), ‘n verhoog asook die hekke van Jerusalem, ‘n koei gemelk, beeste ingespuit, geverf, die donkie gestook, gebraai en nog aan die konsert geoefen. Ons girls het met die kiddies gespeel, “container” reggepak, Noag se ark met al sy diere in een van die kamers in die weeshuis geverf, ‘n partytjie gereel vir een van die weeskinders, ‘n skooltjie besoek in Gondola, gehelp met die skoonmaak van ‘n nuwe kerk en die bemarking daarvan en ‘n vrou se badkamer skoon gemaak. Nurs Betty het nog in die kliniek ook gewerk en elkeen van ons wat mediese aandag nodig gehad het, met liefde en baie geduld behandel. In die aande het almal lekker om die kampvuur gekuier. Laaste maar nie die minste nie het die mense daar (kleintjies ingesluit) twee Afrikaanse woorde geleer…LEKA YA!

Daar is nie genoeg woorde om die natuurskoon daar kan beskryf nie. Alles is groener, die skoenlappers groter met meer helder kleure, die spinnekoppe baie, baie groter en meer vreesaanjaend. Ja, die meeste van ons het in die donker gaan emmer (jouself in ‘n skottel gebad) sodat jy nie kon sien hoe hierdie gediertes jou in die donker beloer nie. Die terugtog was hartseer, maar tog het daar ook blydskap geheers oor die gedagte om weer terug te wees in jou eie land.

Die bande wat gesmee is en die herhinneringe wat gebou is sal vir ewig ons elkeen by bly. Die uitreik was om die mense daar te dien, maar ek dink hulle het ons soveel meer gedien met die vreugde wat hulle aan ons verskaf het. Hoop dit is so beskore dat almal van julle volgende jaar ook daar kan wees.

Kasteel se hart gesteel - Cupido die enigste verdagte

Elani Willemse

Almal wat so gelukkig was om die eerstejaarskonsert tydens O&B by te woon, het 'n totale kultuurskok gekry toe Kaskanade se adonis van liefde, Cupid, kaal bo-lyf op die verhoog aansgeweef kom op sy wolk, blinkende vlerkies en al! 'n Hele paar dames was so in vervoering dat hulle seker ook gevoel het asof hulle sweef gedurende daardie split-sekonde toe hulle van hulle stoele afval. En het die man ook dan nie 'n hele paar harte vinniger laat klop nie!?

Ek het die voorreg gehad om Mnr. Cupid self te ontmoet. Ek moet nogal sê: ek was effens angsbevange toe ek die man bel om hom te vra of ek hom 'n paar vragies kan vra!

Jaco le Roux, 'n eerstejaar in De Wilgers, het my vanaf my eerste telefoon gesprek met hom die indruk gegee dat hy 'n mannetjie is wat meer is as net 'n aantreklike gesig. En na ons eerste ontmoeting kan ek eerlik sê dat dit wel so is...

Ek het hom gebel om te hoor of ek hom iewers kan ontmoet om hom 'n paar vragies te vra vir die Tiara. So is dit toe afgespreek dat ons mekaar die Woensdag voor Superbowl by die i-café sal ontmoet... (Ai, die arme Seerotte mag ook nêrens gaan nie....)

En dit is wat ek van die man geleer het tydens ons ontmoeting:

Sy koshuis bynaam was aanvanklik Adonis, maar om die een of ander onverklaarbare rede het dit later verander na Cupid, en hy swot BA Regte. Toe ek hom vra wat hy met sy graad wil doen as hy klaar is, was sy antwoord baie eerlik: "Ek weet nog nie."

Sy akademie is vir hom 'n hoë prioriteit. Maar darem is die outjie iemand wat bietjie meer doen as net in boeke vaskyk... Hy is ook betrokke by De Wilgers se SJGD-projek by Witrand, en speel eerste span hokkie vir sy koshuis. En buiten dit, weet hy ook hoe al die seniors op sy gang hulle koffie drink! (wat ek persoonlik dink in enige eerstejaar se guns tel!!!)

Ek het hom ook bietjie uitgevra oor sy rol as Cupido:

As iemand wat deur sy vriende beskryf word as 'n skaam outjie, was dit vir hom nogal moeilik om die rol van die egoïstiese Meneer Cupid aan te leer, wat deur Jaco beskryf word as die manlike weergawe van 'n los meisie. Maar vir iemand wat geen drama-agtergrond het nie, kan almal saamstem dat hy homself goed van sy taak gekwyt het!

Rooi Tamaties hoort in die Yskas

Bitty Viljoen

Ek stap Sondag oggend uit die erediens uit en my oog vang ‘n tannie wat haar panty uit haar boud trek. Sy het ‘n netjiese Queens Park pakkie aan, ‘n Guess handsak slinger om haar arm en sy trippel moeilik op haar nuwe Nine West hakkies. My lippe begin ‘n glimlag vorm, een van daai wat net jou een mondhoek oplig, en ek dink… “ ja, ons is almal maar net mense…”

Hoeveel keer gee ons nie voor om iets te wees wat ons nie is nie, ek praat nie nou van daai oeroue storie van “wees net jouself” nie, ek verwys nou na die kere wat jy so gebloos het dat mens nie jou gesig tussen ‘n kas ryp tamaties sou kon uitken nie. Dit bly vir my ‘n raaisel, hoekom bloos ons as ons oor die laaste trappie steier, voel of die wêreld om jou ineen stort omdat jy perongeluk ‘n windjie laat uitglip het of waarom bly ons net strak voor ons staar, kompleet soos iemand met ‘n stywe nek, as jou kar vrek langs die adonis met die BMW?

Hoe meer ek oor die onderwerp na dink, hoe meer bring dit herineringe aan tye wat ek gewens het, “wêreld sluk my net in!” Maar dan sien ek ook in my geestes oog hoe mense al dubbelgevou het, trane afgevee het en selfs hul koeldrank uitgespoeg het van die lag. Dis hier waar ek ‘n antwoord op die raaisel vind. Die wêreld het nodig om te lag en “embarrassing moments” is unieke oomblikke wat geleentheid hiervoor gee. Volgende keer as jou stoel nie daar is as jy gaan sit nie, jou rompie opwaai as jy deur loverslane stap of boomwortels jou laat struikel, gin die ander hul plesiertjie! Val oor jou voete erger as wat nodig is, bloos bloedrooi en lag dan verleë, môre is dit weer jou beurt om vir iemand anders te lag.

Die ondier lans jou bed!

Cecilia Scholtz

Is dit die brullende, gillende ondier langs jou kop wat elke oggend ‘n paar honderd dessibels deur jou skedel jaag? Dalk die onvermydelike ritueel van nog ‘n gejaade week of dag wat begin? Of is jy een van daardie handjie vol mense wat uit die bed uit dans, uitbundig, bly soos ‘n kalfie wat reen ruik met ‘n lied in die hart al huppelend na die eerste periode op ‘n maandagmore?
Dis ‘n feit. Opstaan op ‘n tergende koue Maandagoggend is nie iets wat in elke student se lyf steek nie. Dis ‘n onderwerp wat die skrywers van Kreatiewe Entrepeneurskap 221 nagelaat het om te cover.
Ek wonder of dit die soeke na alternatiewe bronne van lewenslus en energie is wat soveel studente elke dagbreek in nimmereindigende toue voor die kiosk in die ss laat staan om ‘n blikkie, boksie of stafie energie te koop. Red Bull is danksy energielose mense soos studente, ‘n multi-miljoen dollar innovasie van die Coca-Cola Company. Fast Forward, kompleet met sy digverpakte, blougekleurde Chinese Affrodisiac kern is sedert sy ontstaan, ‘n energie stafie wat vinnig sy plek tussen die ander sjokolades op die winkelrakke opgeëis het, en Peter Styvesant is byna almal se boesemvriend.
Party gee hulle wiskunde, plantkunde of rek dosente, wat eentonig ‘n klomp werk op ‘n verbeeldinglose manier teen die projekteerskerm gooi, die skuld. Ander sê dis die lewe op die PUK van te veel party, te min slaap en te hul baie probleme. Daar is selfs die bietjie wat meen dat dit onnodig is. Onvermydelik, maar tog gebeur dit elke oggend soos ‘n neurotiese ritueel.
Die feit bly staan, Maandag is vir baie studente die dag van die week wat hulle wens Chuck Norris plant ‘n bom in die NW, sodat hulle kan teruggaan na hulle veilige warm bed vir net nog ‘n uurtjie se drome droom. Nou wonder ek…
Wat laat jou opstaan en jou moee lyf moeisaam voortsleep terwyl jy aan 101 redes kan dink om nie na jou klas toe te gaan nie? Is jy dalk een van die min mense wat nie kan wag dat die son soos ‘n ryp granaat oopbreek en sy strale die horison in rooi en geel toevou nie? Of is die opwinding van jou vriendinne se kommentaar oor die dosent se kompak verpakte boudjies in sy Chino die ding wat jou laat huppel?
Gelukkig is die mens wat sy vreugde in die Here vind en vir wie die dag van more soos ‘n toegedraaide pakkie onder ‘n lower kersboom staan, wagtend dat die skat daarin ontdek moet word. Ek beny jou…

Njammies...

-Tanya Weyers-
Met die koms van die somer het ek dit toepaslik gevind om die volgende resep ‘n prettige, pittige en absoluut heerlike slaai te maak. Die slaai kan jy sommer vinnig in die na-middag bymekaar slaan as jy dalk jou vakansie “babe” onverwags moet onthaal.
Tuna- en Noodle Slaai
Benodighede: (Gebruik jou diskresie oor die hoeveelhede, want dit hang net af van hoe streng jou dieet is en hoe erg jou dag se aktiwiteite was, d.w.s hoe groot jou aptyt is!)
Ø 1 Pak Skulpie noodles (ter aansluiting by die “see” tema ) wat reeds gaar gemaak en afgekoel is.As jy nie weet hoe om dit gaar te maak nie, volg gerus die instruksies op die pak.
1/2 Blikkie tuna
Baie Mayonaise
Rosyntjies
Agurtjies
Tamaties
Komkommer
Feta of blokkies kaas
(Eintlik, kyk net wat daar in die kas is en gebruik jou verbeelding. Trek ‘n Hilda op jouself!)
Meng alles saam (die heel groentes moet natuurlik opgesny wees in klein blokkies) en daar het jy dit. Gebruik net sout en peper na smaak en jy het ‘n wonderlike middag maaltyd. Geniet die vakansie!!!

Ons kief taal!

-Cecile Scholtz-
Hoe cool is ons taal nie?!! Afrikaans is, was en sal solank as ons dit praat, sing en ontwikkel ‘n taal wees om mee rekening te hou. Neem nou maar die HAT se vyfde uitgawe wat pas die lig gesien het. Daar is soveel nuwe, vars woorde in dat ek dit graag met julle wil deel.
‘n Meertydleerder – iemand wat ‘n jaar op skool herhaal
Die @ teken in ‘n e-posadres – ‘n aapstert
‘n Katelknaap – ‘n jong man op wie ‘n ouer vrou verlief raak
Bekdrywer – ‘n passasier in ‘n motor wat ongevraagde raad vir die bestuurder gee
Rap (die musiekgenre) word deesdae kletsrym genoem
Kisboude is die gevoel wat jy het as jy baie moeg is
EN Ja, selfs KIEF is nou ‘n erkende afrikaanse woord. Dit is om iets goed, positief, lekker en aanvaarbaar te beskryf.
Saam met Amanda Strydom juig ek “En ons kan rock in ons taal!”

Watter manne wil Kasteliete vry?

-Cecile Scholtz-
Is jy al ooit op straat gestop en gevra van watter tipe balpuntpen jy hou? Of wat die beste waspoeier vir silk pajamas is? Seker nie. Dis moeilik om te imagine hoe mense sou reageer, op hierdie boring vrae. “Een wat kan skryf” hoor ek ‘n paar girls sarkasties opmerk. “Dieselfde waspoeier as waarmee ek stinky kouse was.” Ja, presies wat ek gedink het.
Toe het ek bietjie verder gaan dink. Van watter tipe vrae hou meisies? Of waaroor praat ons? Dis amper so clichè om te moet sê mens noem dit ouens, kêrels, mans, boyfriends en adonisse. Ja, ons luv hulle, haat hulle kan nie sonder hulle leef, ook nie saam met hulle nie. Nou wonder ek: Is jy al ooit deur ‘n vriendin gevra watter eienskappe jy in ‘n man soek? “Jaaaaa, watse tipe vraag is dit? Natuurlik!!!! Dis mos ‘n vraag waarop jy ‘n lekker juicy antwoord kan uitdink.”
Die rondtes is gemaak en die antwoorde op hierdie vraag het gewissel vanaf mooi voete regdeur tot ‘n bed&*%$@#de man. Ekskuus? Ja, ek het ook maar net my koppie geskud vir die laaste antwoord. Maar gelukkig verskil smaak.
Hier is die girls se droommanne:
Heloise van blok F wil ‘n eerlike man hê. ‘n Eerlike kapenaar, let wel. So jammer, Brad Pitt is so uit soos koekies in die weeshuis. Verder moet hy donker hare en mooi ogies hê.
Suz was toevallig in die omtrek toe ek by Hanel gaan inloer het. Die sussies wil albei ‘n Christenman hê. Suz s’n moet groot hande hê en lank wees. Hanel s’n moet iets tussen die ore hê en eerlik wees. Dis ‘n vae begrip hierdie “tussen-die-ore-ding” Hanel. Want toe ek laas gekyk het is daar ogies, ‘n neus, ‘n mond en breins. Ons hoop en vertrou dat laasgenoemde die eienskap is waarna jy verwys. Nie dat mooi oë nie hoog op ons dames se lysies was nie. Trouens uit die 30 girls wat ondervrae is, het 4, mooi ogies as ‘n eienskap genoem. Rochelle wil ‘n surfer hê, maar dis nie al nie, hy moet doelgerig, lief vir God wees en Hom ken, en hy moet haar kan optel, sodat sy so lig soos ‘n veertjie voel. Sweeeeeeeeeeet. Soos in die movies waar die meisie opgewonde en uitgelate na haar kêrel se arms toe hardloop na ‘n lang skeiding tussen hulle—so moet dit wees. Sweeeeeeeeet. Haar partner in crime, Anneke Cloete is pas uit met Batman. Dit was ‘n verhouding wat net nie op vaste grond gebou was nie – en dis nou letterlik en figuurlik. Haar droomman moet kan dromme speel. Maar nie ‘n drummer wees nie. Die rock tipe look doen dit nie vir haar nie. Hy moet haar op haar plek kan sit en volwasse, maar onder die ouderdom van 40jaar wees. Kry mens van hulle Anneke???? ‘n Dame, wat liewer nie haar naam wil noem nie, het sonder om te blik of te bloos gesê dat sy ‘n man wil hê wat sterk is, mooi is, mooi boude en bene het en beneuk is. Now there’s a girl who likes them rough!! Die mees algemene dinge wat meisies wou hê word hieronder weergegee.
Vanaf die mees belangrike na die minste.

1. 30% van die 30 ondervraagde girls wil ‘n man van God hê wat eerlik is.
2.6,7% wil vir Jim Carrey hê. Nee dis net ‘n grappie, die man moet ‘n goeie humorsin hê. “Ek wil nie ‘n suurknol druk nie, dankie”
3. Mooi hande, ‘n liefdevolle man, en ‘n ou met mooi pikant-verpakte boudjies het 16,7% van die stemme gekry.
4. 13,3% wil hulle huidige kêrels hê en mooi ogies
5. 6,7% wil geld, ambisie en ‘n onvoorspelbare man hê en
skielik gee ek ‘n sug… is daar werklik net 3,3% wat na die ou se persoonlikheid kyk? Lyk vir my amper so.

Watter eienskappe jou droomman ookal moet besit, is dit my wens dat julle mekaar sal vind. Dat God julle vir mekaar so sal skaaf en voorberei sodat julle werklik gelukkig kan wees. mekaar onvoorwaardelik lief sal hê en Sy naam sal verheerlik.

Queens trou Bootsmanne

-Emme Reyneke-
13 Oktober is met groot opgewondenheid in die koshuis gegroet en die rede... Verlowing! De Wilgers het almal vriendelik by hulle klubhuis verwelkom, mits jy soos ‘n “pirate” gelyk het en darem ‘n ietsie te drinke gehad het.
Die outjies van ons nuwe sleep het almal verbaas met die kreatiewe “outfits” wat hulle aangehad het en die meisies het self nie te sleg gelyk nie. Wie sou kon raai dat soveel “pirates & gypsies” in een aand kan saamkuier.
Die verlowing was verseker ‘n sukses en net so was KASKENADE gebore. Dit was ‘n defnitiewe goeie begin met ons nuwe sleep. Ons kan maar net met opgewondenheid vir die feestelikhede van volgende jaar wag.

Amanda Strydom...Diva Duisend

-Elani Willemse-
Die Puk-koor het in die September vakansie die voorreg gehad om tydens Aardklop saam Amanda Strydom op te tree. Hierdie diva is beslis ‘n ikoon wat Afrikaans laat kook, maar dié keer het sy besluit om ‘n bietjie meer klassiek te gaan.
Prof. Awie van Wyk het Amanda verlede jaar genader om die Misa Criola en Navidad Nuestra saam die Puk-koor op te voer. Die Misa Criola, ‘n Spaanse mis, en die Navidad Nuestra wat die spaanse weergawe van die kersverhaal is, is ongeveer 90 jaar gelede deur Arial Ramirez gekomponeer. Die Misa Criola is al verskeie kere opgevoer, maar dit is die eerste keer dat die Navidad Nuestra in Suid-Afrika opgevoer is.
“Ek dink dit was Awie se passie vir musiek wat my oortuig het om in te stem om dit te doen.” Amanda het bietjie gehuiwer voordat sy die “ja” woord gegee het, omdat die sprong na klassiek redelik groot is vanaf die cabaret-genre waarvoor Amanda so bekend is.
Amanda het drie maande afgevat om die Misa Criola en Navidad Nuestra te leer, en om Spaanse lesse te neem sodat sy die teks perfek kon uitspreek.
Ek het ‘n paar koorlede gevra wat hulle indruk van Amanda was:
“Haar passie is aansteeklik. Sy was van die eerste repitisie af reg om ‘n show te gooi, en dit het elke koorlid beïnvloed.” “What a legend! Amanda is absoluut fantasties. Ek kan regtig nie glo dat een vrou so ‘n captivating persoonlikheid kan hê nie!”
Wat my nogal beïndruk het was toe Amanda een aand aan ons genoem het dat sy glad nie kan note lees nie. Dus is alle musiek op gehoor geleer, en al moet ek dit nou self sê, Amanda se weergawe was volgens my, baie beter as enige van die opnames wat ek al gehoor het.
Ja, nee, dit was ‘n ervaring en ‘n half. Ons het nou wel ons alies af gewerk, maar dit was deur en deur die moeite werd! Daar is ook sprake dat die Misa en Navidad by die KKNK opgevoer kan word, en ‘n paar opnames is ook in die pyplyn. Amanda wil glo die twee werke op CD neem, en daar is sprake dat Kyknet die werke op kers-oggend wil uitsaai. So watch this space!

Kellogg's Frosties

-Jolize Pretoruis-
“Vier torings en ‘n massive deur…” Daai eerste dag was hel. Met trane in die ogies het die dore koebaai gesê vir hul mammies en pappies en het die HK ons begin verskreeu.
Ek kan nou nog nie glo dat ek (en sommige ander) dit gemaak het nie. Of dat ons aan die einde van hierdie jaar staan nie. Maar soos my oorle’ ouma destyds gesê het – ons was sterk babas.
Daai eerste drie weke was erg. Na ‘n jaar in die koue noorde, het eerstens die hitte en tweedens, die “stap in ‘n ry!” en “kyk af, door!” en “groet mnr. Lamppaal” my amper duskant dood gehad. Nie eers te praat van “hier kom die HK, hier kom die HK, op die Potchefstroomse trein…” -alhoewel almal voor hulle siel weet ons kan in elkgeval enige iets hoor as die (vervloekte) trein verby kom nie!
In ‘n oogwink begin die klasse toe. Ek was van dag een af agter en het nooit regtig weer opgevang nie. Die SS was maar soos tradisie ons voorland en blah, blah... elke eerste jaar en persoon wat al ‘n door was ken die res van die storie. Junie vakansie was ‘n mylpaal. Van ons arme bloedjies, (ja, soos die Wes-Kapers) het vir die eerste keer weer hul ouers gesien het, en dit was ‘n lang pad terug na die nou vaal Potchefstroom. Wie (in his right mind) skeduleer in elkgeval ‘n semester toets reeks nét na ‘n vakansie?!? Dis mal!!! Maar so, dag na dag, event na event, raak ons die PUK en sy dinge gewoont.
Toe die shocker, net toe ons dink dat ons alles hier gewoont is, slát die tweede semester ons op dieselfde wyse as die Vrystaat die Blou Bulle in die Currie Beker finaal. Nuwe dosente, nuwe vakke (ja dit was nogal vir my ‘n skok), nuwe handboeke (waarvan sommige eers 3 weke voor die eksamen ontvang is…) en klasse op die Fanie.
Na die eerste helfte van die tweede semester was die Fanie ook nie meer so vêr, die vakke nie meer so vreemd en om klas te mis nie so erg nie.
Hier staan ek nou aan die einde van my eerste jaar en soos die ander dore het ek die jaar oorleef, maar dan moet ek ook eerlik wees ‘n paar ander goed het ongelukkig dit nie gemaak nie. Soos my punte en my slaap patroon (wat radikale verandering onder gaan het) Soms wens ek die lewe kan vir altyd so aanhou. Makliker, beter, stadiger… Girls besef julle watter voorreg dit is om hierdie mooi koshuis met sy fantastiese tuin te bly? Ek weet nie van diegene wat weggaan nie, maar ek gaan verseker die plek mis as ek eendag opskop…
Sterkte vir die eksamen. Dankie aan my mede-eerstejaars vir ‘n wonderlike jaar. Dankie vir elkeen in Kasteel vir ‘n suksesvolle, magic jaar. Geniet die vakansie. Net nie so baie dat jy nie wil terug kom nie. Ons het jou nodig…

Ai die rugby...

-Mariska Kelly-
Dis die Currie-beker finaal en Meyer Bosman het nou net vir die Cheetahs ‘n drie gedruk. Die laaste paar minute flits op die scorebord verby en met alle logika redeneer ek “…dis verby…” Die teleurstelling syfer deur my lyf . Diep, diep, diep binne my hart is daar nog ‘n tikkie hoop vir ‘n Bulls oorwinning.
Met die sekondes wat al vinniger verby flits, kwyn die laaste hoop ook stadig weg. Op Loftus is die blou vlaggies stil toe die eindfluitjie blaas. My selfoon lui, dis ‘n sarkastiese Cheetah-ondersteuner wat net haar kamma meegevoel wil betuig…ek sit die foon sommer in haar oor neer.
Dis ‘n modern day tragedy wat hom hier voor ons afspeel. Na soveel jaar is die beker nou uit die Bulls se hande uit. Vanaand gaan die manne en dalk sekere ou tannies hard kuier, Cheetah-ondersteuners om te celebrate en die Bulls-ondersteuners om hul sorge te “versuip”.
Die Sondag koerante sal dit natuurlik uitbassuin, die enigste bemoediging is dat teen Maandag sal Britney darm alweer ‘n oops gehad en dan is selfs dié nederlaag nie meer so erg nie.
Wat ek eintlik wil sê is dat die mens is darem maar ‘n snaakse ding is. Ons raak heeltemal ontsteld en bewoë oor 15 outjies wat ‘n nederlaag lei. In so mate dat die helfte van die ou Transvaal nie eers Sondag kerk toe wil gaan omdat hul steeds aan BLS (Bulls-lost- sindroom) lei. Besef ons rêgtig waaror die lewe gaan? Ek meen, jy lê nooit in die nag wakker omdat jy jou oor die oorlog in Irak bekommer nie en het jy jouself al ooit besimpeld gedrink oor global warming? Ek dink nie so nie
Ek verstaan die hele ding van teamspirit en trots en al daai dinge, but there is so much more to life. Ek dink net miskien was nodig dat die Bulls moes verloor. Ten minste het dit my weer ‘n les geleer. Dis tyd dat ons ‘n passie kry vir ons wêreld en sy mense, vir die dinge wat regtig ‘n verskil kan maak. So vir die wat steeds in wroeging is oor die Bulls se nederlaag en elke keer steek pyne in jou hart kry as daai simpel sms grappies deur kom, just let it go…whoosa!

Lord of the Silver Rings

-Bitty Viljoen-
Ek stap Maandag oggend van klas af terug koshuis toe en wonder vir ’n oomblik of ek op een of ander “Boot Camp” is. Dit lyk of daar S.O.S seine heen en weer gestuur word soos wat die son van almal se nuwe “Silver Rings” af reflekteer. Ek kan nie help om te begin wonder of daar nou ‘n nuwe sekte op kampus gestig is met die leuse “sex is great!”
Goed ek weet, ek oordryf nou erger as Bosman met sy Groot Marico stories en nee ek’s nie een of ander post era hippie, wat “make love, not war” wil uitbassuin nie. Al wat ek wonder is of elke ou wat daai ring aan sy vinger steek besef waaroor dit regtig gaan? Dat daar regtig ‘n “Smeugel-agtige” kreatuur is wat jou kan én sal aanval en met alle mag daai ring van jou vinger af wil verwyder?
Toe ek op skool was kon niemand ooit die vraag, “hoe vêr is te vêr” vir my neerlê en ‘n grenslyn trek nie. Dit het altyd op die einde daarop neer gekom dat jou liggaam ‘n tempel is en sodra jy ‘n situasie betree wat jou moontlik kan swanger maak, is jy op die afdraand pad. So what! Wat beteken dit? Why don’t you call a spade a spade, hoekom wil almal dit eers ‘n graaf noem? Bloot omdat mense wat my moes leiding gee net nie tot die punt kon kom nie, het ek vir lank ’n leuen geglo.
Dis die werklikheid: Seks is nie net waarvan jy standerd 5 in die voorligtings klas en dalk weer in matriek biologie geleer het nie. Die term seks omskryf soveel meer. Die grootste wanpersepsie wat bestaan is dat die “vat-vat” en ander “speletjies” wat met ‘n gevryery kan gepaard gaan as aanvaarbaar beskou word. Dít is die grootste bron van seksuele onreinheid. Ja girls, selfs die “hy het net aan my boobs gevat” deel is verkeerd. As jy dit vir my in matriek gesê het, sou ek vir jou gelag het, maar ek kan dit vandag saam met die Silwer Ring Thing beaam.

Die Bybelvers wat op die ring verskyn, 1 Tess 4:3.-4, lees uit die engelse vertaling soos volg: “God wants you to be holy, so you should keep clear of all sexual sin. Then each of you will control your body and live in holiness and honor”. Sien, dit werk so, sodra jy, sê nou maar, ‘n outjie toelaat om die hele “fondle with care” ding te doen, beheer jy nie meer jou liggaam nie. Jy mag glo jy is in beheer en jy is, want jy kan stop voor dit by seks kom, maar dis valse beheer. Beheer is om alles tot eer van God te doen, nie jou wil na te streef nie, maar Sy wil, om elke dag meer en meer soos Christus te word. So wees eerlik, waarom doen jy dit? Want dis lekker…ja, en die bron van diè lekker is wellus (lust) wat sonde is.
Stephen Arterburn sê in sy en Shannon Erthridge se boek Every Young Woman’s Battle “You are growing up in a culture that does not value sexual integrity and purity. Instead, it values instant gratification and pleasure at all cost” In Joshua Harris se boek Boy Meets Girl staan hy ‘n hoofstuk af daaraan om te verduidelik “How to Be Passionately in love and Sexually Pure” en die Silver Ring Thing span staan ‘n jaar van hulle lewe af om jong mense landwyd aan te moedig om hulself tot seksuele reinheid te rig. Is die nie genoeg rede om te besef dat dit werklikheid is en nie net ‘n nuwe foefie nie? Dat ons almal moet waaksaam wees teen diè “smeugel” a.k.a die duiwel wat ons so gereeld aanval op die gebied. Ek daag jou uit, gaan sit en dink weer hieroor, probeer dit vir jou werklikheid maak voor jy weer daai ring aan jou vinger steek. Is jou ring werklik ‘n “outward symbol of an inward decision?”

Bingleser 2005

Elani Willemse
Goed, ons weet almal nou al teen dié tyd dat Kasteel met De Wilgers sleep, maar Bingle-Sêr 2005 het maar net weereens bewys dat Kaskenade ‘n sleep gaan wees om dop te hou.
Die girls is al van vroeg die kwartaal besig om saam die De Wilgers manne te sing om voor te berei vir hierdie eerste amptelike sleep-aksie. En wat ‘n sukses! Kaskenade het daarin geslaag om ‘n show van top gehalte, en natuurlik skerp humor, te lewer, en die komplimente het net ingestroom!
Oefen sessies is afgeskop waar die twee geslagte apart sit, en mekaar net skaam-skaam beloer, maar teen 18 Oktober het ons darem al ‘n paar aksies ager die rug gehad, en was almal al dik pelle!
Van Veritas en VMN sal ons nou nie juis iets sê nie, behalwe dat beide enkelsêr wenners moes toekyk hoe Villagers en Heide die eerste plek voor hul neuse wegvat, en moes hulle maar met ‘n tweede plek tevrede wees. Wanda en Excelsior het derde geëindig.
Kasteel en De Wilgers het nou wel nie die top vyf gehaal nie, maar ons het darem daarin geslaag om ‘n goeie vriendskap te stig en die band te bou wat ons deur die jaar wat voorlê gaan dra. Madeleine is al klaar vol planne vir volgende jaar, en sê dat ons net moet dophou wat met eerstejaarskonsert en enkelsêr in 2006 gaan gebeur. Hier kom groot dinge!!

Meer oor dieHK...

Madeleine Erasmus
Kultuur en KOB
Gee vir my ‘n betekenis vir elke letter as die woord Kateel ‘n akroniem was.
Klas
Aristokraties
Smeulend
Trou-meisies
Elegant
Entoesiasme
Lief vir alles hier!
Is die koshuis ‘n woning? Waar/Vals en motiveer?
Waar! Kasteel het werklik ‘n unieke uitleg wat dit privaat dog intiem maak. Ons het pragtige tuin wat my hart laat jubel en die meisies is werklik oulik. Die gees in Kasteel is een van samesyn. Ons het fantastiese huisouers en IB. Ek voel veilig, geliefd en gerus in hierdie plek, my tuiste!
Noem drie dinge waarsonder jy nie kan klaarkom nie.
My God, my volk en my taal!
Wat sal jy nie weer doen nie?
My hare twee keer deur ’n kappie trek, perokside, dan per ongeluk pers kleur en weer oor kleur. Als binne 2 weke. Daar’s niks van my kroesies oor nie!


Mariaan Roode
Klerasie en Werwing
Beskryf jou gevoel teenoor ‘nblikkie Coke. Jy mag nie die woorde “ek” en enige woord wat “love” of die liefde gebruik nie.
Dit is vir my lawing na ‘n spanningvolle dag. Dit gee my ‘n ekstra hupstoot as dit voel of my battery op ‘n low hardloop. Dit is ‘n lafenis vir my siel sowel as my keel, dit ruk my uit die donkerste donker van donker.
Watter letsels het jy op jou lyf en hoe het jy dit gekry?
Ek het ‘n groot letsel op my linkerskouerblad, ek het dit gekry toe ek klein was en op ‘n wildsplaas gekuier het en die hek my teen die wildsdraad gewaai het. Dit was baie seer!
Met watter celeb sal jy graag ‘n affair wil hê, tell me more…?
Heath Ledger, ek wil graag my vingers deur sy blonde krulle in ‘n Knights Tale trek
Het ‘n deel van jou lyf ‘n naam en brei uit?
Ja, my naeltjie is my oh-oh. Weet nie hoekom nie, maar my Steven noem dit so.


Corisa Grobler
SJDD en Sekretaresse
As jy iets anders as ‘n mens kon wees vir ‘n uur, wat, wie sal dit wees en waarom?
‘n Arend… hoog bo die wolke waar ek alles van bo af kan bekyk en die groter prentjie kan sien.
Wat is die mens wat amper niks besit nie se beste bate in die lewe?
Hoop…dit is die kosbaarste besitting wat enige mens, ryk of arm, ooit kan hê
Watter plek op aarde wil jy besoek voor jy doogaan en hoekom?
Grand Canyon. Ek het nog net goeie goed van mense se asemrowende ervarings gehoor. Ek wil my eie ervaring en herhinnering gaan skep.
Wat behoort in elke kasteeldame se vanity case. Motiveer.
‘n Sjokolade. Mens kan nooit genoeg sjokolade hê nie. Selfs in jou vanity. Dit is mos net lekker om ‘n onverwagte verrrassing te ontdek.

Kasteelboom elektries vermoor

Volgens verskeie bloubloed ooggetuies in die monargiese hoofstad van die eiland PUKKE het vier ongeïdentifiseerde mans, gewapen met basdorstige kettingsae, verwoesting in die hartjie van die lower tuin gesaai op die oggend van die 17de Oktober.

Volgens ‘n prinses in die mees weste kant van die kasteel, het sy koorsagtig en natgesweet uit haar diep slaap wakker geskrik. “Ek het gedink dis ‘n herhaling van die Texas Chain Saw Massacre! Toe ek sien wat voor my venster aan die gebeur is, het ek, asof ek plasentaal aan die boom verbind is, vlou geval” Ander adelikes het ook die tragedie as ‘n dolk deur hul harte beskryf. “My oë het vol trane geskiet en ek het instinktief begin tjank soos ‘n wolf met volmaan” vertel Tienie Tulp.

Ons verslaggeefster op die toneel, Dalia Bloekom het die kasteel opsigter mev. Appeliefie oor die skokkende insident ondervra. Sy het ons verseker dat die boom reeds dood was, verder sê sy dat ‘n ander boom in sy plek geplant sal word. Goed en wel! So ons agterkleinkinders sal dan oor aggentaggentig jaar in sy koelte kan knibbel aan ‘n komkommerstukie van die Voorhuis?

Dankie vir die adverteerders!

Liewe Jannie...

Kan jy onthou toe jy nog in die laerskool was en jy elke dag omtrent 10 briefies geskryf het aan jou maaitjies? Of toe jy vir jou Ouma nog moes “Dankie sê” briefies skryf vir al die geskenke wat sy gekoop het? Beter nog, kan jy die “ Sal jy met my kys?” briefies onthou? Met die toepaslike Ja en Nee blokkies, natuurlik. Briefies was jou grootste bron van kommunikasie. Jy kon dit inkleur, versier met verskillende kleure penne en skelmpies rond stuur in die klas of onder jou “kys” se bank gaan sit.

Die brief is ‘n vorm van kommunikasie wat al vir jare in gebruik is. Dit het begin as ‘n tekeninge op rotse deur die Grotmense en is later ontwikkel na die gebruik van die alfabet, ink en papier. Deesdae in die moderne lewe, waar alles kleiner, vinniger en makliker moet wees het ons die gebruik van Epos en SMS’e wat stadig maar seker die gebruik van die tradisionele brief vervang. Dit is so hartseer om dit te dink want, daar is vir my niks so deel van ‘n mens se persoonlikheid soos ‘n brief nie. Dit is vir my een van die lekkerste dinge in die wêreld om te doen. Om op my bed te gaan sit, my gedagtes te orden en dit neer te lê ,met baie liefde ,vir die een wat dit gaan ontvang. Jy kan jou beste Sondag skrif gebruik of net vinnig ietsie krap. Jy kan prentjies by teken soos blommetjies , hartjies of stokmannetjies wat soen. Jy kan prente plak, woorde highlite, ondersteep, omkring net wat jy wil. Jou opsies is so wyd soos wat jou kreatiwiteit strek. As iemand ‘n brief van jou ontvang het jy iets vir daai persoon gegee. Jy het tyd gevat, moeite gedoen en van jouself gegee. Jy het nie net vinnig voor die rekenaar ingespring en ‘n paar woorde getik nie.

Daar is tog nog lekkerder dinge as om ‘n brief te skryf, en dit is om een te ontvang. Al daai afwagting. Jy loop na die posbus toe. Jy laat die pos uit en sien ‘n brief met jou naam op. Jou hartjie bons en jy wonder dadelik wat se geheime daarin opgesluit is. (Behalwe natuurlik as dit ‘n brief van die bank is of enige vorm van ‘n rekening!) Van waar in die wêreld dit vandaan kom, maar belangrikste nog, VAN WIE DIT IS! Dan kan jy die koevert gulsig oopskeur en die brief oor en oor lees, dit in ‘n boks bêre net om dit weer eendag te kan lees en daaroor te lag.

Alhoewel dit meer ekonomies, vinniger en makliker is om net vir iemand ‘n kort epos te stuur, is dit leweloos. Dis ‘n wit skerm met ‘n klomp swart letters op, niks anders nie. Daar is geen misterie, geen “magic”, geen persoonlikheid nie. Kom ons hou op om so lui te wees , tel ons penne op en skryf vir iemand vandag ‘n briefie. Glo my, dit sal hulle dag maak.

Pampie a.k.a. Ronelle Martin
Primaria en Seniors

Hoekom is Kasteel jou trots?
Dis my huis, my hart, my land! En hoe kan ek nie wil trots wees om in die beste koshuis op kompus te bly nie? Go Kasteel!
Watter konektasie koppel jy aan pers?
Die pers liquifruit druiwesappies van die Voorhuis. Dis my favorite en ek en my maaitjies stry altyd oor wie die laaste een in die yskas mag kry.
Waarmee wil jy die heel graagste die grootte bose grootmenswêreld ingaan?
My hemelse Pappa om my te dra, my liefde vir mense (asook stoute kindertjies) en Blertsie, my tjor, om my by al die plekke te bring waar ek moet wees.
Hoe lank was klein duimpie?
‘n Halwe sentimeter korter as Dawie die kabouter
Hoekom is Kasteel die beste Dameskoshuis op die PUK?
Ons is ‘n klomp amazing girls met ongelooflike baie potensaal wat ons hemelse Pappa dien en eer in alles wat ons doen

Maryke Eloff
Sport en Onder Primaria

Wat is jou motorjie se beste karaktereienskap en hoekom?
Lassie se beste eienskap is GEHOORSAAMHEID, want waarheen ek vir haar sê om te gaan, daar gaan sy.
Hoekom klop jou hart vinniger as jy aan Kasteel dink en oor haar praat?
Indien ek oor Kasteel praat of die woord Kasteel genoem word, verhoog my simpatiese aktiwiteite wat tot gevolg het dat daardie pers bloed in my sisteem vinniger deur my are vloei en sodoende verhoog dit my hart tempo.
Watter sin beskryf, jou gevoel teenoor jou koshuis die beste?
Want ons kan!
Dink jy pers is vir gefrustreerde mense motiveer jou antwoord?
Nee!! As jy na Kasteel kyk, wat die eerste gedagte is, as jy aan pers dink sal jy sien dat daar nie een gefrustreerde dame is nie.Pers laat m liewers aan “Royalty” dink.
Wie is die slimste een in die Adams family en gee asb ‘n rede virjou antwoord?
Die hand, hy/sy/dit kan niks verkeerd doen nie.

Elzaan Pretoruis
Finansies en Aktualiteit

As jy ‘n nuwe entertainment vir die girls kan skep wat sal dit wees. Bv ‘n Foefie-slide in die tuin?
‘n Springkasteel
Voltooi die liriek: Ek het vriende wat ek sien….
Ek is verslaaf aan my musiek
Waar is die vrugbaarste grond op die PUK waar jy ‘n R10 sal plant om te groei?
Beslis die wetenskaplike gebou! As ‘n granietbal van 300 kg kan dryf, dink ek hulle sal vir ons iets met daai R10 kan doen!
Kies: ‘n Romantiese getaway saam met Peter Pan of dat jy deur Superman gered word?
Beslis ‘n Romantiese getaway!
Het jy al ‘n wonderwerk ervaar? Brei uit asb.
Die son wat elke oggend opkom, met al sy kleure en NOOIT laat is nie

Glans-aand 2005

Deur Elani Willemse

Enkel-sêr 2005…‘n paar aande wat beslis groot opwinding gelewer het. Alle oë was op die twee wenkoshuise van 2004 om te sien of Kheik-Net hierdie jaar weer met die louere sal wegstap, maar tot almal se verbasing het nie Minjonet of Heimat, wat beide puik shows gelewer het en boonop die gehoor op hulle voete gehad het, onder die top drie in hulle onderskeie afdelings geëindig nie.

Talle studente voel dat die uitslae ‘n bietjie van ‘n teleurstelling was, en ons almal was baie hartseer omdat ons eie girls ongelukkig nie die top vyf gehaal het nie. Musikaal was kasteel se trotse verteenwoordigers absoluut fantasties, met van die suiwerste klanke en die pragtigste verwerkings, maar die girls is glo gepenaliseer omdat hulle te sag gesing het. Tog voel almal dat dit nie genoeg rede is om Kasteel uit die top vyf te skakel nie. Die top vyf dameskoshuise vir 2005 is aangekondig as Heide, Minjonet, Vergeet-my-nie, Wag-‘n-Bietjie en Wanda.

Die manne het ook groot opwinding gelewer toe Patria nie eers die top 5 gehaal het nie, en die hele kampus was in rep en roer oor die Aspoesterjie-verhaal van Overs wat vir die eerste keer in hulle geskiedenis die top 5 gehaal het…ja, dames, die manne het actually hierdie jaar geoefen!! Tog het Hombré gesorg vir bietjie chaos op die verhoog toe hulle besluit het om elke moontlike sêr-reël te breek deur ‘n klavier op die verhoog te dra, ongeveer 50 manne op die verhoog te hê, in hul koshuis drag op te tree en ‘n solis(met ‘n té stywe rokkie aan) wat nie in hul koshuis is nie, met ‘n mikrofoon te laat sing. Hierdie koshuis is met ‘n rekord van 60% gepenaliseer! (volgens ‘n anonieme bron is die Overs manne baie ongelukkig omdat hulle rekord gebreek is) Die top 5 manskoshuise is toe aangekondig as De Wilgers, Heimat, Laureus, Overs en (tot Kasteel se trots) ons liewe sleep, Veritas.

Die finaal is op die 5de Augustus gehou, en die gehoor is deur die gaskunstenaars Navi Redd, wat ‘n a capella groep van RAU is, vermaak, en as ek mag sê: Girls, hierdie manne KAN maar!!

Die wenners van enkel-sêr 2005 is (tot almal se verbasing) Vergeet-my-nie, en (verwonderde sug) Veritas. VMN is gevolg deur Wanda en W’nB, en Veritas deur De Wilgers en Laureus. Manne, ons is trots op julle!

Aan Nadri en die res van ons spokies, julle het Kasteel se naam hoog gehou, en ons almal weet dat julle verdien het om deel van die glans-aand te wees!

Puk-dagboek

Deur Elani Willemse

Hi girls! Indien jy dalk in daardie aaklige posisie sit dat jy nie weet wat om met jouself te maak nie, hier is ‘n paar idees wat jy in jou dagboek kan skryf…

Die konserwatorium bied elke semester ‘n konsertreeks aan, en hier is solank ‘n paar datums wat ek aan julle kan deurgee:

11 Augustus 19:30 - “Duitse Blaasorkes” in die Conserve-saal,
23 Augustus 19:30 - “Beurswennerskonsert” in die Conserve-saal,
4 September 15:30 - ‘n Sondag-middag van klassiek in die Conserve-saal
13 September 19:30 - “Caroline Oltmanns” (klavierspeler) in die Conserve-saal,
21 Oktober 19:30 - “Broadway & Beyond” in die Oudit,
27 Oktober 19:30 - “Potch trio” in die Conserve-saal, en
30 Oktober 15:30 - Kamermusiek van Beethoven, ens, in die Conserve-saal

**Die kaarjies is R20 vir die aand-koserte, en die Sondag-middag konserte is net R10.

Moenie van Alabama vergeet wat 17-19 Augustus optree nie! Daardie kaartjies word @ R30 verkoop.


Aardklop…feestyd kom al nader…

Deur Elani Willemse

O.k,ons almal weet dat Aardklop in die September/Oktober vakansie is, maar weet ons wat om te verwag van hierdie jaar se fees? Sure, dit beloof om die kuier-sessie van die jaar te wees, maar die shows wat hierdie jaar op die planke gaan kom beloof om van die beste nóg te wees!

Ek sal met elke Tiara uitgawe ‘n bietjie van ‘n oorsig gee oor ‘n paar van die shows, en so kan julle voorbereid wees op wat kom en vroegtydig kaartjies kry! Hierdie week fokus ek so bietjie op musiek, maar in die volgende uitgawe belowe ek so bietjie meer! Na elke oorsig is daar vyf-syfer telefoonnommer wat julle kan skakel om die kunstenaars se opinie oor die show te hoor…

Cut Glass: Recycle/Recytle
@ R65 by die Elgro-saal, 27-30 September & 1 Oktober

Die a capella groep vermaak feesgangers hierdie jaar met ‘n splinternuwe program wat saamgestel is uit ‘n klomp immergroen treffers wat in elke moontlike musiekstyl voorkom – vanaf jazz tot blues en Rock & Roll- en met hulle skerp sin vir humor beloof dit om ‘n treffer te wees! # 00215

Anna Davel: Godinne op die grondpad
@ R65 by Girls High, 27-30 September & 1 Oktober

Hierdie show is gebaseer op haar nuutste album met dieselfde titel, en kom 100% uit haar eie pen uit. Sy sing oor die liefde, laataandliedjies en oor kaalvoetgodinne en diep swart riviere. Ek kan met vertroue sê: die musiek sal beslis nie teleurstel nie! # 00205


Ddisselblom
@ R55 by kykNET, Gimmies, 27-30 September & 1 Oktober

Ddisselblom het beslis nie enige bekendstelling nodig nie! Hulle nuutste album verkoop soos soetkoek, maar dit beteken nie dat hulle ou gunstelinge soos Nikotien en kafeïen en Moervrou sal verwaarloos nie. Beslis die kyk werd!
# 00216


Eden - I got you
@ R60 by die Elgro-saal, 27-30 September & 1 Oktober

Suid-Afrika se eie boy band is nie net aangenaam om na te kyk nie, maar kan actually sing ook! Die manne is vol energie, en hulle mooi stemme is genoeg om enige girl se knieë lam te maak! # 00230


Navi Redd
@ R60 by die Elgro-saal, 27-30 September & 1 Oktober

Almal wat by die sêr-finaal was sal weet wie Navi Redd is…Vir die res van julle wat nie weet nie, hulle is ‘n klomp manne van RAU wat musiek maak deur self byklanke te vorm en dus a capella sing. Hulle is regtig fenominaal, en dit in alle gebiede: vermaak, humor, sang en natuurlik op die oog ook! # 00262


Nianell
@ R78 by Klip-ini-bos, 27-30 September

Met twee goue albums agter haar naam, asook twee goue Sama-pryse, is Nianell al goed gevestig in die Suid-Afrikaanse musiekbedryf, en kan sy ook geklassifiseer word as een van Suid-Afrika se top sangeresse en liedjieskrywers. Met haar sielvolle stem en blote talent is dit onmoontlik dat Nianell ‘n gehoor kan teleurstel… # 00263


OppiAarde
@ R85 by die Krieketstadion, 1 Oktober

Hierdie show behels ‘n hele klomp van Suid-Afrika se nuutste en beste musikante en bands, en beloof om nóg groter as 2004 s’n te wees. Met vermaak in die vorm van Jan Blohm, Jack Hammer, **polisiekar, K’s Choice, Rooibaard, Chris Chameleon, Valiant Swart, The Narrow, Prime Circle, Tweak en nog vele meer beloof hierdie show om tien ure van pure adrenalien te wees! # 00266


**Bron: Aardklop 2005 brosjure.

Intervarsity Jolyt

- Emmé Reyneke

Die jaarlikse instelling tussen die PUKKE en KOVSIES het weereens soos elke jaar van te vore groot feestelikhede opgelewer. 12 en 13 Augustus 2005 is ‘n defnitiewe naweek om te onthou.

Die Fanie, of soos aan ons bekend - die vlei was deurtrek met PUKKE op die Vrydag in groot afwagting op die KOVSIES vir die “welcome” partytjie. Daar was rugby, netbal, hokkie en al die sportsoorte waaraan ons soms vergeet om te dink. Dit was ‘n kwessie van meer kuier as speel, want water in ‘n waterbottel het op sommige plekke in Vodka verander. Met Snowflake wat toe nooit gerealiseer het nie en die reën wat ingetree het, was al wat ‘n kuierplek was deurtrek met mense en rye wat tot in die strate gestaan het.

Vir die wat dalk al vergeet het, ja jy’s reg, die PUKKE het vir KOVSIES gewen met uitstekende rugby wat op die Saterdag plaasgevind het. Saterdag aand was mooi weer, dalk ‘n bietjie koud vir sommiges, maar dit het nie die studente weggejaag van die JOOL-plaas af nie, waar onder andere die Melktert Kommissie vir ons met ‘n paar deuntjies vermaak het.

Uit en uit was intervêr 2005 iets om te onthou en as jy dit só wil sien, ‘n verskoning vir groot kuier, partytjie en jolyt!

Van waar oom Paul nie wou opstaan tot Potchefsroom

Dis daai verskriklike temerige CD van Jurie Els. Ek praat nou nie van een van die 30 Vat-Vat CD’s nie. Dis die CD’s waar hy baie baie baie dankie sê vir sy mamma en op die ander een waar hy baie baie baie dankie sê vir sy pappa. “Hoe sê mens dankie, na soveel jaar?” Ek weet, dit gee my ook ‘n pyn in die regter artrium van my hart.
Miskien moet ek maar net vir ou Jurie sy plekkie in die son gun en oor gaan tot die punt. Ons nuwe huispappa en huismamma. Oom Hermanus Jacobus (met ‘n c, nie ‘n k nie…) wat op Hertzogville grootgeword het en tannie Johanna Petronella, van Bloemfontein, het sommer vinnig in ons harte ingekruip. Bitty en ek het die voorreg gehad om by hulle aan huis te kon gaan. Oom Herman-hulle is toe met ‘n paar ongemaklike vragies gepeper.
Die oom met die rustige stem hou van die sterre. Hy het gesê dat hy volgende keer vir ons sal wys as daar weer ‘n wonderwerk in die gewelf gebeur. Verder hou hy van bonsai boompies – terapeutiese stem en groen vingers?!! Goed gedoen. Vermurwe = die woord wat die gevoel wat jy in jou binneste ervaar as jy iets mooi sien, beskryf. “Enigiets met wiele.” Dit is wat oom Herman se hart laat vermurwe. Nog iets wat hom sommer klein laat voel is wanneer mense goed is vir ander mense. ‘n Groot man met ‘n klein hartjie. Die lysie van goeie einskappe word al hoe langer. ‘n Pa so na elke dame se hart. Al leef sy ouers nie meer nie, is hulle steeds in sy gedagtes. Wat hulle gedoen het en die nagedagtenis wat hulle agter gelaat het inspireer hom vandag nog. Die Woord, die mense na aan hom en hopelik ook Kasteel in nog inspirasies in sy lewe. “Dis amazing as jy weet dat ander mense jou nodig het.” Dit was een van die hoof oortuigings wat hom en sy gesin laat besluit het om deel van die adelike familie te word. Albei van hulle is baie dankbaar om hier te wees en hulle wens is om beskikbaar te wees vir ons. Oom Herman was, soos alle jong skoolverlatende mans eers weermag toe. Daar was hy deel van die valskermbatteljon. Om uit ‘n vliegtuig uit te spring is een van die mees gewaagde dinge wat hy al moes doen.
Oom Herman se storie sal net nie volledig wees sonder tannie Ronel nie. Tannie Ronel se broer het hulle aan mekaar voorgestel. Soos oom Herman dit beskryf “a match made in heaven” ahhhhhhhh, jy sien, dis nou tipies wat my hart sal laat vermurwe. Twee mense wat vir mekaar lief is. Liefde is dan ook die dryfkrag agter haar bestaan. And again the crowd goes aaaaahhhhhhhhhhhhhhhh. Filosofiese boeke en boeke met ‘n religieuse inslag is tannie Ronel se gunsteling leesstof. Sy en oom Herman luister na enigiets van die Beatles tot Dean Martin tot Westlife en Steve Hofmeyer. Net Jazz en kletsrym (a.k.a. rap) kon hulle nog nie beïndruk nie.
kleef Soos ‘n kleuter aan sy ma se rokspant, kleef daar sekere stigmas aan mense, nou ja, volgens tannie Ronel is een van die mees onware stigmas wat aan ma’s kleef die feit dat hulle deur hulle kinders wil presteer. Daar is wel sommige, maar verseker nie almal nie.
As hy so deur die water gly met sy bruin gespierde lyf en daai sterk arms wat die water agter hom wegstoot soos Hulk met die huise maak snak menige meisies én tannie Ronel ook na hulle asems. Glo is oom Herman bewus van tannie Ronel se Ryk Neetling-maak-my-knieë-lam-sindroom. Gelukkig weet ons dis gesond, want kyk, mooi was nog nooit lelik nie. ‘n Laaste vragie wat aan albei hierdie formidabele mense gevra is, was wat hulle as een van die trotste oomblikke in hulle lewe sover sal beskou. Oom Herman het ‘n paar vir ons genoem. Toe sy vader en moeder by sy gradeplegtigheid was, die geboorte van sy dogters, om saam met mense te werk, sy huis en wat hy in alle tereine van sy lewe bereik het. ‘n Mens het soveel om voor dankbaar te wees. Tannie Ronel kon nie ‘n spesifieke oomblik uitsonder nie. Vir haar is elke jaar in retrospeksie ‘n trots. Oral waar sy sukses bereik het in haar lewe en veral verhoudings is haar trots.
Dis met trots dat ek en Bitty die woning van die Kasteelhuisouers verlaat. Ons kan net op ons knieë gaan, en ons Groot Pappa daarbo prys vir die manier hoe Hy vir ons en ons koshuis sorg, ook met hierdie pragtige ouerpaar wat vir die volgende paar jare ons gaan lei en help vorm om ware dames in die grootmens wêreld te word.

Aksie attraksie

Aksie attraksie
- Emmé Reyneke

Doorwees het sy voor- en nadele en een van daai nadele is die geen uitgaan reël. So wanneer daar 'n aksie is soos my gunsteling boek saam met Caput, maak jy seker dat jy nie 'n stukkie van die aksie attraksie mis nie.

Na 'n lekker joligheid in die vierkant met die talentaand wat gehou is, is die Kasteel dames in hulle hordes na Caput om met die manne te kuier, te dans en ...

Woensdag, 11 Mei het weer groot verwagtings opgelewer en oortref. Die Caput manne weet toe wat die woord aksie beteken en hoe om dit baie lekker te maak. Pons en games was aan die orde van die dag en het 'n baie lekker aand verseker.

Enige iemand wat daar was sal kan getuig dit was defnitief 'n aksie om onthou te word.

Blok F trék en K sing agterna!

In hul massas het hulle opgetrek – in rooi, swart, pienk en blou – om vir mekaar te probeer bewys wie nou eintlik die heerser van die Kasteel is.

Die sportnaweek, wat plaasgevind het op 6 en 7 Mei, het afgeskop met ‘n volleyball ”toernooi”, waartydens daar meer geduik as gespring is, en waar die deelnemers soos wafferse rugby-“boffins” op die grond rondgerol het. Langs die baan het die ondersteuners mekaar ewe passievol die stryd aangesê, maar Fiesta, alias die Swart Katte, het met die louere weggestap, tot groot teleurstelling van die Geelperskes.

Saterdagoggend vroeg het kleurvolle K’s oral gepryk om die ander te intimideer. Maar die strydwaens (voorheen bekend as Pick-n-Pay-trollies) en katastrofes van die ander blokke, het hulle sleg op hulle neuse laat kyk.

Ten aanskoue van die jillende ondersteuners, is daar tydens die trollieresies uitgevind wie die eintlike vrate in Kasteel is. Die driebeenresies, eierdraresies en die eiergooi het vir groot vermaak gesorg en die meisies se spangees en spiere is getoets.

Die hoogtepunt van die naweek was natuurlik die Eerstejaars-Senior-rugby, waar daar teleurstellend min Eerstejaars opgedaag het. Die seniors het, soos dit ‘n klomp seniors betaam, die eerstejaartjies oordonder en ‘n anonieme doortjie het gesê dat dít slegs gebeur het omdat hulle so baie respek vir die seniors het.

Algeheel het Fiesta as wenners uit die stryd getree met Gidja tweede, Kommawee derde en Jislaaik vierde. Blok K het vir die derde plek opgemaak deur voor in die ry te wees met die gees.

Die sportnaweek was ‘n reuse sukses, en deelnemers sowel as ondersteuners het hulle gate uit geniet. Koshuislede het bymekaar uitgekom en mekaar weer gevind en almal kan nou weer saamstaan en ‘n beeld van ondersteuning en medemensliefde na die res van die PUK uitstraal.

Kasteel Sport, gaan vir goud... - Jolize Pretoruis

Uit menige mond klink die woorde: “Kasteel doen baie goed met hulle sport hierdie jaar.” Kasteel-sport het hierdie jaar weereens bewys waarom Kasteel ‘n koshuis is om mee rekening te hou – op alle gebiede.
Tydens O&B het die Eerstejaars die sportjaar op ‘n hoë noot afgeskop toe hulle tydens die eerstejaarsatletiek algeheel vyfde geeïndig het onder leiding van “We love you, Kasteel” en “Sakke Pakkie” wat heeldag van die pawiljoen af weerklink het.
Later in die kwartaal het die Pluimbalspan ‘n negende plek behaal en die Skaak het met goeie skuiwe en logiese denke derde in hul liga geeïndig.
In die Tweekamp het die Eerstejaars weer uitgeblink toe Adellé Hoepfner eerste in die vroueafdeling gekom het. Kasteel was algeheel vierde met die Tweekamp kampioenskappe.
Die Volleyball-“girls” het hul goed van hul taak gekwyt en eerste in hul liga geeïndig. Hulle het tydens die Superbowl ook skoonskip gemaak van die ander Universiteite toe hulle saam met Verwoerd Manskoshuis van Kovsies en individueel, die eerste plek op die podium ingeneem het.
In vanjaar se Touchies-toernooi, het ons Kasteel meisies stof in die ander se oë geskop en eerste geeïndig.
Die drie spanne wat vir die Netbal-liga ingeskryf was, het al drie hul staal gewys deur onderskeidelik eerste (Kasteel 1 en 3) en tweede (Kasteel 2) in hulle onderskeie ligas te eindig.
Met sulke uitstekende prestasies, is ek van mening dat elke Kasteel Dame dit net ‘n eer kan beskou om deel te wees van so ‘n puik koshuis. Dankie aan al die sportvroue en hul gillende ondersteuners, wel gedaan, girls!
Met die ter perse gaa, was die sokker en hokkie uitslae nog nie beskikbaar nie, omdat die liga’s nog aan die gang is. Ons verneem egter dat beide hokkie en sokker baie goed vaar. Die sokker is deur na die semi-finaal toe en moet nog in daardie afdeling meeding. Sterkte!

Wie is Tiara?

Hierdie gaan die toekomstige tuiste van Tiara, die nuusbrief van Kasteel Dameskoshuis op die PUK wees.

Hier gaan ons meer inligting oor die doen en late van Kasteel plaas.